Карса олысьяс унаысь элясьлісны сы вылӧ, мый Нёбдінса Виттор нима Драма театрӧ катӧдысь пос киссян выйын.

Шойччан лунъясӧ важмӧм тшупӧдъясысь вӧлі перъялӧма кӧртсӧ. Ӧнія кадӧ уджалысьяс ремонтируйтӧны послысь тшупӧдъяссӧ, а сэсся сы вылӧ пуктасны выль бетон плитаяс. Выльмӧдасны сідзжӧ перилӧяссӧ – весаласны да выльысь мавтасны. Сыктывкарсаяслӧн корӧм серти дзоньталасны тротуар автобус сувтланінсянь поскӧдзыс Интернациональнӧй улича пӧлӧн.

Тӧлысь мысти позьӧ нин нимкодясьны выльмӧдӧм поскӧн: вежлавны эштӧдасны Россия лун да Кар лун кежлӧ – сійӧс пасъям лӧддза-номъя тӧлысь 12-ӧд лунӧ.

Панӧм дзоньтасян уджъяссӧ ошкӧны карса олысьяс.

Таво сідзжӧ вежсяс Сыктывкарлӧн чужӧмбаныс мукӧдлаын: выльмӧдасны Коммунистическӧй улича Сӧветскӧйсянь Киров уличаӧдз. «Бурмӧдӧм карса йӧръяс дасьтӧм» федеральнӧй уджтас серти сідзжӧ ремонтируйтасны 19 керка йӧр, пелькӧдасны Степан да Слӧбӧда изэрдъяс, дзоньталасны Киров паркдорса улича да Слӧбӧда улича пӧлӧнса подӧн ветланін. Сыктывкар шӧрын вежлаласны газонъясысь му да сувтӧдасны кӧрт потшӧсъяс.

коми